|
05.10.2012 Mit lachende und trurige Auge schriebt mir unser letscht Daily Report vo dere wunderschöne Reis. Mir sind hüd no ufe Monte Royal gange. Es isch en steile Ufstieg gsi. Es het sich aber würklech glohnt. Mir händ e wunderschöne Usblick uf Montréal gnosse. Nachere chliine Wanderig sind mir dene.wieder down Town gloffe. Klar uf direktem Weg in nechscht Starbucks. Leider het uns dene s Wetter e Strich dur d Rechnig gmacht und so sind mir früehner als gewollt zum Flughafe gfahre. Als Abschluss vo dere Reis het uns Navi nomal so richtig verarscht...... Jetzt sitze mir bereits bim Gate und warte ufs boarding. Mir blicke uf drei wunderschöni, sehr Iidrücklechi und nie vergessliche drei Wuche zrugg. Mir möchte uns bi de villne Daily Report Läser/inne und Gäschtebuech Iiträger/inne herzlech bedanke. Es isch für uns immer wieder e freud gsi die Biiträg z schribe und au z läse. Goodbye Canada it was amazing :).. We will come back :) Bis gli gliebti Schwiiz. Bald hesch uns wieder...Voll bepackt mit tollen Sachen die das Leben schöner mache. Hinein ins home sweet home feeling. 04.10.2012 Nachemnä sälber gmacht Zmorge, toastete Bagel, Philadelphia und Gruyere, hei mir bi däm rägnerische, näblige und eher düstere Tag ä Walk Hop on - Hop off Tour gstartet. Das heisst ine Lade ine, usem Lade use und in nächst Lade. Drzwüsche hei mir no s Bell Center atroffe, guet ischs agschriebe gsi, süsch wäre mir jetzt no am sueche. Drnach ischs no zum Hafe gange und zrugg durch alli Souvenir Läde vo Moreal, das alles wägemne zweite NHL Jäggli, jä Andy s isch immer no di;-) Nachem zweite Starbucksbsuech si mir denn zrugg is Hotel, in dr zwüschezit hets denn au agfange rägne. Dr Obe lö mir no bimene chüehle Bier usklinge und bi dr eeewige Diskussion, wo packe mir die hüt kaufte Sachene hi, mit eim Ziel, morn die 23 kg nid z überschritte. Cheers and good night Folks. I pack i mi Rucksach... 02.10.-03.10.2012 Als früsch gwäscheni Curry-Chicken händ mir uns ufe Weg nach Ottawa gmacht. Nach 5 stüniger fahrt händ mir s Ziel erreicht gha. Es super schöns Hotelzimmer het uns erwartet. Völlig erschöpft sind mir im Trainerhose Style go Znacht zäme sueche. Nach dem mir fündig worde sind und unser Znacht mit de Abby und Brittany gnosse händ sind uns d Auge zue gheit. Hüd am Morge sind mir dene go Ottawa unsicher mache. Mir händ e fahrendi Stadtbesichtigung gmacht bevor mir dene en Parkplatz gfunde händ. Do mir d Stadt ja scho gseh händ isch d Suechi nachem nächschte Starbucks los gange. Mit chnurrende Büch (Lüd händ sich scho umdreiht uf de Stross) händ mir dene eine ersichtet und sind im direkte Weg in Lade gstürmt. Na logo sind mir wieder uf de falsche Sitte aagstande. Nachmne feine Zmorge händ mir uns s Parlament ine zoge. Netts Hüsli :). Thats all from Ottawa. :)!! Dene händ mir die zwei stündigi Fahrt nach Montréal aträtte. Ganz schöni herbschtlichi Landschaft und vill Farms händ mir dörfe gniesse. "ähhh..was isch au das wiise dört am Strosserand? Hey, dass isch doch en gubbel gubbel Turkey gsi!" :). No fascht besser als en Bär...nur fascht! In Montréal isch s Verkehrschaos los gange. De Citydriver Andrea hets mega guet gmeischteret. Mir wüsset jetzt wie d Huppi tönt und die hiiheimische chönnet jetzt uf Schwiizerdütsch schimpfe :). Dörnröschen het nebe dra die imaginäri Bremsi fescht dure trätte :). De Schock vorem Hotel...es seht us wie e Abstiegi. Villi Obdachlosi und suscht komischi Mönsche schlichtet drum ume. D Überraschig inne im Hotel isch dene sehr erfreulich gsi. Es het e Marmorbode und fründlichi Lüd. De Chef isch mit uns persönlech cho s Auto parkiere. Sis Auto het er sogar extra weg gstellt. Will s Hotel überbuecht isch, gniesset mir jetzt e chlinneri Suites :) :). Cheers and good Night Folks.....und draussen vor der grossen Stadt stehen sich die ...... die Füsse platt. SKAAANDAAAALLL..... 01.10.2012 Üsi Körper hei fangs am 0100 Uhr uf Schlofmodus gstellt, darum si mir hüt am Morge no 10 Minute länger blibe ligge. Denn isch üse Trip zu dä Niagara Falls losgange. Bi dä Falls acho si mir zerst no mehreri Minute am Parkingschild nochegfahre bevor mir üse Ford Fiesta hei chönne parke. Mir hei denn bi sunnigem Sunneschin ä paar, smile, Föteli gmacht, nach dr erste Wasserwulche si mir üs wiedermol in Hortons go stärke. Mir si denn a dr Promenade witer gschlenderet inkl. än Abstächer in Hard Rock Shop. D Fahrt isch denn omit musikalischer Ungerstützig vom Johnny Cash u sinere Kollegin s Dolly Parton richtig Brantford witergange, was s Andrea dört het welle? D Holstein Association of Canada go aluege, s teils schlofende Dornrösli het alles tapfer und stillschweigend überstange. Nach däm Usritt si mir wieder uf Toronto zrugg gritte. In Toronto acho si mir nomol is Eaton Center, gliche Igang ine, 2 Läde meh gseh u wieder die glichi Weiche i dr Läscherie Lade verwütscht. Mir si denn nomol is Hard Rock go Znacht ässe u is Guesthouse zrugg gruugelt. Cheers and good night Folks. Eine Seefahrt die ist lustig, eine Seefahrt die ist schön. 30.09.2012 Als zwei Chicken im Curry Bett sind mir hüd morgesverwache. Nachmne chlinere Zmorge (Joghurt und Schockimilch) händ mir uns ufe Weg ins Eaton Center gmacht. Als aller erschts händ mir uns en Kaffi zur Stärkig gönnt. Dene isch die shopperei los gange. In Lade ine und wieder use. Bis zu dem Lääscherie Lade wo mir am liebschte grad drin Übernachtet hättet. Nach x Stunde händ mir dene doch no de Usgang vom Lade gfunde und somit ischs Budget usgschöpft gsi. Also isch d Suechi nachem Usgang vom Center los gange. Mal ufe, mal abe, mal hindere, mal führe....oh hätte mir doch wie Hänsel und Grettel Brösmeli gstreut. Nach langer Suechi händ mir de Usgang vom Center doch no gfunde. Aschliessend sind mir Richtig Hall of Fame gschlenderet. Völlig hibbelig sind mir vorem Fanshop gstande und händ flissig Föteli vom Iigang gmacht. Um so endtüschender isch d Uswahl im Shop inne gsi. Voller vor Freud sind mir dene go d Hall of Fame bestuune. Mir sind ganz Überrascht gsi, dass sogar de Spenglercup vo ..... dört verewigt isch. Allwä au nur will s Team Kanada dört darf mit spiele :). Nach ganz villne "ooooohhh", "waaauuuww", " wo isch s Martina/Andrea?" und "Hesch gseh!", händ mir uns dene ufe Weg zum Tower vo Toronto gmacht. Ufem Tower obe händ mir uns en Überblick über die grossi Stadt verschafft. Völlig erschöpft und usghungeret sind mir im Hard Rock Cafe go Rockmusik lose und Matte schüttle....näbschtem Nachtesse :). Nachdem mir uns d Büch vollgschlage händ sind mir zrugg ins Guest House gschlurft. Im Zimmer acho isch Disskusion los gange:" Wie kriege mir die neue Lääscherie Sache safety heime?"......Disskusion wird bis zum Abflug hoffentlech klärt si ;). Good Night Folks...What a feeling, nä nä nä ( Text vergesse..) 29.09.2012 Early biiiirds 0630h isch Tagwach gsi, nach däm mir denn nomol packt hei, händ mir uscheckt und si bimene wunderschöne Sunneufgang richtig Flughafe cruist. Bim sälberichecke hei mir bi dr Woog ziemlich gschwitzt, beidi hei ca. 18 kg ka, usgrächnet dörfe mir jetzt no für ca. 5 kg shoppe. Uf diräktem Wäg i Hortons hei mir üs äs Zmorge gönnt. Denn isch dr Flug richtig Toronto losgang. In Toronto acho hei mir zerst mol mehreri Rundene uf üsi Madene gwartet. Danach ischs zur Autovermietig gange, jetzt race mir mitemne Ford Fiesta ume. S Guesthouse hei mir dank äm Navi und mim Bifahrer Navi Martina bestens gfunde. Wo dr Tower liggt wüsse mir au bestens, s Schild vo dr Hall of Fame hei mir au scho gseh. Im Guesthouse hets zerst mol gheisse Schuhe aus und im Zimmer go warte. Do drzue müesse mir erwähne dass dr Inhaber ä Inder isch, dämentsprächend isch au d Unterhaltig usgfalle. Dädd wass väry fanni;-) Nach sehr detaillierte Instruktione für d Schwizerinne usem rich country si mir go s Znachtässe shoppe, s het mehreri Schale Pasta mit Tomatesauce gä. D Chuchi wird vo allne Gäst benützt, das isch für üs ehner gwöhnigsbedürftig gsi. Cheers and good night Folks. PS: mir si ohni Stock an Flughafe und üses neue Navi spricht lustigs Dütsch 28.09.2012 Mir händ hüd es continental breakfast ohni Kaffi abe gwürgt. Anschliessend hend mir s Trämli in d City gno de suechi nachmne richtige Kaffi sind mir am Calgary Tower acho. Zum Glück gits dört am ecke e Starbucks (ohni s hetfree wifi). Nachmne Tazo Chai Latte hend mir de Tower in agriff gno. Hätte mir gwüsst das es 525 Stockwerk sind, hätte mir de Tee erscht nochane drunke. Obe acho isch Andrea grad uf Glasplattform grennt.......s Martina eher gschliche/kroche und feschthaltend. Es isch cheibe witt abe gange :). Nach x Föteli vo Calgary händ mir gfunde "mir händs gseh". Spass besitte, logischerwis sind mir nochane zum Saddeldome Stadion grennt. Für alli die wo kei ahnig händ, es isch s Icehockey Stadion vo de Calgary Flames. Ja ja scho klar das lock out isch :p. Zrugg in Down Town händ mir s Trämli richtig Zooli gnoh. Mir wüsset jetzt wiso mir keini Bäre in freier Wildniss gseh händ. Die pennet ja nur. Dem entsprechend sind au Zoo Föteli us gfalle. Entweeder schlafend oder vo hinde.....miiiiaaaaauuuuu! Do mir am dre noit zrugg ins Hotel händ wölle, sind mir no go s Ichaufcenter aaluege....ja nur aaluege :). Nachem window shopping sind mir no in Earls go es Salätli und es Bierli zu uns neh :). Do de Tower Iitritt für de ganz Tag gültig isch, händ mir de nomal.unsocher.gmacht. Zum Lied vom Fraui händ mir ufe Sunneuntergang gwartet.........und gwartet.....und gwartet....und ufgeh. Müedigkeit het uns vorane iigholt. Zrugg zum Hotel sind uns Football Fans entgege gloffe. Natürlech het Martina e high ten mitmne Fangmacht. Zrugg an de Reception (Mission Stock chlaue) händ mir de Inhaber gaaaaannnnnzzzz lieb gfragt öbb mir dörfet e Foti.vom Stock mache. Dene seit doch de netti Herr "Wetsch de Stock in Hand neh und dusse go es Foti mache".Überlegig öbb mir schneller rennet als.er isch.in beidne Gsichter gstande. Schliesslech händ mir ganz nervös und mit samthändschli de Stock vom Gretzky mit original Unterschrift in de Hände dreiht. Ja und brav wieder zrugg geh. Mir händ bereits umpackt und nomal packt und hoffet sehr, dass mir d Rucksäck ohni Übergwicht chönnet ufgeh morn. Cheers and good night Folks......Zäme um d Welt und um de Planet 27.09.2012 Für das mir imene Kajüttebett gnächtigt händ, hei mir nid schlächt gschlofe. Pünktlich hei mir üses Laken vo dr Matraze zoge u natürlich hei mirs bi dr Reception ufs Pültli knallt. Mir si denn no go Bänzin tanke, thanks god. S Navi het üs denn no welle mit dr Fähri richtig Calgary verschiffe, guet hei mir bi üsne Papis glehrt Charte läse, so hei mir s Navi veräppelt und sind zielsicher in die entgäge gsetzi richtig gfahre. Wieder hei mir bi sunnigem Sunneschien die tolli Landschaft dörfe verschlofe (abgseh vom Driver). Ungerwägs händ ganz vill Schmätterlinge und sünstigi Chäferli a unsere Windschutzschiebe sälbstmord usgüebt. Mir gseh jetzt fast nüm use. Sälbst d Kamera fokussiert nur no d Überräste. Vor Calgary het denn dr morgentlichi Schwizer-Baregg/ Züri/ Basu Vercher agfange, i dr Blächlawine herrscht kei Blinker setze (drfür d Hand usem Fänste hebä)und eifach dri drücke Regle. Bim Hotel acho hei mir üs überlegt ä chlinere Reception überfall z starte, dummerwies hei mir d Skimaske däheim glo, dahär hänkt dr Wayne Gretzky Stock no a dr Wand. Dr Obe hei mir binere Packig Mikrowälle Maccaroni und Fluchtsalat (nei has nid falsch gschriebe) usklinge lo. Cheers and good Night Folks...diesmol kei Lied, sondern ä Gedänkminute für d Überräste uf dr Windschutzschiebe 26.09.2012 No än Nochtrag zu gester, mir si denn doch no usem Hotel und ä Block witer go nä Pizza ässä. Hüt am morge si mir zitlich sehr guet usem Hotel cho, zerst hei mir d Tankstell und dr Hortons agstürt bevor mir denn richtig Kootenay Park los gfahre sind. Ungerwägs hei mir zum Teil Waldbrandgägende durchfahre. S Andrea het denn no än Wolf gseh, leider ischs zu schnäll gange um ä Foti zschiesse. Anstatt viel Vercher hei mir diesmol viel Baustelle ka, mir si denn aber doch no in Nelson acho. Da mir s Zimmer erst ab dä 16h hei chönnä bezieh (zu däm spöter no öbis) si mir die Bio, obergrüen, kei Deo benützer, Flowerpower, Rasta & allesträger Stadt go aluege! Vor luter wo si mir do glande, hei mir nur fangs 2 Foti gmacht. Mir si denn ines Restaurant go Poutine ässe, s isch okey gsi, aber sicher nid öbis alltäglichs. Mir hei denn im Vorrum vom nid ganz steppende Bär gwartet, dr Holzbode hei si do wahrschinlich au mit öbisem organischem putzt, s ganze Hotel schmöckt drnoch. Bim ichecke hei mir denn au grad d Bettlaken i d Händ druckt becho. Nach däm mir s Bett bezoge und duscht hei, si mir uf d Suechi nach öbisem z Drinke. Erst im zweite Lade hei mir denn ä Mineral gfunde! Mir hoffe dasses a dr Tankstell Bänzin git und kei Biogas. Cheers and good night Folks...i wanna be a Hippy 24.+25.09.2012 Geschtert morge sind mir mit de Jungs in Starbucks go z mörgele, bevor sie dene wieder ihre Heimweg aträtte händ. Mir Mädels sind dene wieder mal go shoppe. Zum dritte mal in Footlooker. :). Sie hend scho mega freud gha wo sie uns wieder gseh händ. Nach dem stränge shopping trip und de drink riiche Täg mit de Jungs, händ mir uns müesse erhole. Es isch en schlöfrige Nomittag im Hotel gsi. Am Obe sind mir dene nomal führe in Supermarkt gloffe zum öbbis chliises zum Nachtesse hole. Ufem Weg händ mir dene no Boys gseh wo Touch Rugby gspielt händ. s Martina het e schiss freud gha :). Hüd am morge het de Tag mit chli Wulche und wenig Sunneschhin am Himmel aagfange. Ufstoh isch uns sehr schwer gfalle. Nachmne guete Zmorge und emne it drinkende Kaffi sind mir schlurfend en rechte Kaffi in Horton gho hole. Ufem Weg dört ane hets aagfange regne :(. Nachdem Andrea nomal churz isch go shoppe sind mir dene schnell ins Hotel zrugg gschlurft. Mittlerwille schiffts und Donnerets und mir ligget fuul im Zimmer und lueget amerikanischi Mordfäll im TV. Derzue gits Frozen Canada Dry and Diet Coke....ok mir hätte no frozen Choco Drink und frozen Joghurt im Agebot. Danke Andrea, dass de Chüehlschrank uf Tiefchüeler Temp. iigstellt hesch :). Überlegig wie mir ans Znacht chömmet lauft no ;). Cheers and a good evening Folks.....räge, räge Tröpfli es schifft uf mis Chöpfli. 23.09.2012 Nach däm mir ä überfüllte morgeruum vorgfunde händ, si min Starbucks, dört si mir üs zwar wie d Äffli im Zolli vorcho, aber hauptsach Kaffi und free Wifi. Mir hei denn üsi Buddies troffe und si mol richtig Banff Gondola gloffe, ungerwägs hei mir denn no än frässende Hirsch am Strosserand atroffe. Natürlich hei mir das uf Föteli festghalte. Nachemnä offroad hiking Trail si mir denn bi dr Gondelstation aglangt. Dobe acho hei mir ä schöns Panorana erläbt, vill Tierli u sogar no dr Andy und s Eliane atroffe;-). Danach si mir wieder Downton ghikt. Nachere churze Erfrüschig unger dr Duschi si mir üs go nä früehneres Znachtässe gönne und aschliessend nachemne churze Shoppingtrip si mir denn wieder zum Hotel zrugg. Dört acho si mir no ä Huus witer go wösche, bis dört alles guet, nur bi dr Wösch vo dr Andrea het sich no ä Nastuech dri gschliche! Mir hei denn no äs Zitli gflufft (Tumbler istellig)bis mir total müed is Hotelzimmer zrugg sind, mit no füechter Wösch! Jetzt dient halts Zimmer als dröchnigsruum. Cheers and good night Folks. 22.09.2012 Bi sunnigem Sunneshiin sind nir hüd morge vom Wecker unsanft gweckt worde. Voll vorfreud ufs Gipfeli und en mittel guete Kaffi hànd mir freudestrahlend s Buffet gstürmt. Andrea het mächtig zue gschlage bi d. e Gipfeli zuegschlage. Sind mir au ehrlech es isch it klar wenn mir wieder mal e Gipfeli gsehnd. Mir hend mit unserne Buddies am zähni bim Horton abgmacht (de ohni free WiFi). In Begleitig mit em French Vanilla, de Buddies und enere churze Tankpause, isch unser Road Trip nach Banff los gange. De vill Verkehr und die Überholerei het uns grad e bitz verwirrt. :). Au do het uns e wunderschöni Landschaft die doch vierstünigi Fahrt versüesst. Usermne platt gfahrene Eichhörnli hend mir leider keis Tierli atroffe :). De Abstecher zum Lake Louise isch churz usgfalle. Mit so villne Touris hends mir it wölle ufneh :). In Banff acho, händ mir uns uf d Suechi vom Horton und emne feine z Nacht gmacht. Gfunde händ mir s Grizzly Restaurant wo Swiss Cheese Fondue inkl Kirschwasser uf de Charte gha händ. Mir Swiss Ladies händ uns das it entgo loh und glatt gässe. Naja he...Fugendichtung lässt Grüssen :). Lecker isch es glich gsi. Anschliessend isch Pub Tour mit kanadischem Wasser witter gange. Ja klar Strizzi isch es mehr als eis kanadischs Wasser gsi :). Kensch uns ja :). Als Bettmümpfeli hets schlussändlech en Schnaps wo doch kei Schnaps isch geh. Cheers and good Night.....Ich sehe was, was du nicht siehst und es ist Grün....Boooom :) 21.09.2012 Bi sunnigem Wätter hei mir üs ufe Wäg zum Lake Edith und Annette gmacht. Zwüsche dene See si mir dure Wald gschliche und siehe da, mir hei ä Hirsch erblickt. Schnäll d Kamera füre näh und ä Foti schiesse, aber nei, Speicherkarte voll u das nach 1637 Fotine, het au gar nüt druf Platz WTF! Spöter si mir no zum Medicine Lake gfahre und bim zruggfahre hei mir no d Maligne Canyon besichtigt. Am Obe hei mir denn no unseri edmontianisch-schwizerische Trinkfreudige Buddies troffe. Mir hei dä Obe mitere kanadische Wasser Pubtour beändet. Diesmol Good morning Folks..... Ja das ist Bodo mit dem Bagger und er baggert noch 20.09.2012 Nachemne guete Früehstück und e rundi Familie skyping, hend mir uns ufe Weg zum Jasper Tramway gmacht. Obe ufem Whistler (2400m ü.M.) acho sind mir Steil beruf zum Whistler Summit groche. Schweissegebadet isch Martina schliesslech au no obe acho :). Mir hen e grandiosi Ussicht uf Rocky Moutains und uf Jasper gnosse. Nach dem mir no es Squirrel atroffe händ, händ mir no es chlises Fotoshooting mit ihm verastaltet. Er hets sichtlech gnosse. Aschliessend sind mir mitem Auto richtig Patricia und Pyramid Lake gfahre. Die Rueh und die wahnsinns Ussicht het uns eifach d Sproch verschlage. Es isch so ruehig gsi, dass sogar d Schmetterling hesch ghöre d Flügel schlah ;). Mir sind richtig erholt zum Hotel zrugg gschwebt. Im Supermakrt sind mir dene uf zwei vo.uns faszinierende Schwiizer gstosse. Sie hend sind sich wohl it sicher gsi, öbb mir würklech au Schwiizerinne sind :). Während s Dornröschen ufem.Bett gschlafe het, het s Aschenbuttel es Molson.killt :). Es isch halt en sehr entspannende Tag gsi ;). Cheers and dood Night Folks....Schni, schna, schnappi, schnappi, schnappi, schnap das kleine Krokodil (860).....:) 19.09.2012 Do üse Wecker verschlofe het, sind mir spöter als mir hei welle ufgstange. Mitere Stung verspötig si mir los gfahre und nach 5 Minute Fahrt,hets Martina scho dr ersti Elch entdeckt und dr Elchs Martina, spöter hei mir no äs Cariboo vo hinde gseh. Uf dere ca. 8 stündige Fahrt, hei mir ä wunderschöni Landschaft gnosse. Chum hei mir s Gränzhüsli Jasper/ Alberta passiert, isch ä Bear Warning Svhildli cho kreischend und jubelnd si mir dra verbi gfahre. In Jasper acho, si mir is Hotel, jedoch ischs Hotelzimmer noni ready gsi, so hei mir dr Wäschsalon ufgsuecht. D Wösch isch irgendwie bitz chliner als vorhär, oder mir meines nur. Dr schlimmst momänt hei mir aber ka, wo mir im Hortons ghockt si u kei free Wifi ka hei;-) Nachem Wösch ussortiere si mir uf diräktem Wäg is beste Pub vom Dorf und händ nach 3 Täg wiedermol äs Bier zischt. Denn si mir mol go ickecke, zerst s falsche Zimmer ohni Früehstück becho, denn hets denn doch no klappt. Nachere sehnlichst erwartete Duschi hei mir üs ä feins Angus Steak gönnt u drzue, isch jo klar, äs Bier. Cheers and good night Folks. I"m to sexy for my shirt...;-))))) 18.09.2012 Nochere chüehle Nacht, hend mir no s chältere Wasser ins Gsicht gworde. Au s Hoor wäsche isch e Sach für sich gsi. Badwanne mit chli Wasser fülle und mitemne Becher d Hoor benetze. Thät was fanny :). Nach dem alli whatsapp Nochrichte beantwortet gsi sind, händ mir uns ufe Weg zum Früehstück gmacht. Knock, knock on the door...iiiiiiuuuuuu Türe ging auf und en herrleche Kaffi duft isch uns in d Nase gstiege. Aber zerscht hets gheisse "Schueh uszieh". Yeah, es het Butter ufem Tisch gha. Mir händ d Hoffnig scho fascht ufgeh gha, dass es Butter i dem Land git. Nach dem mir uns Büch voll gschlage hend, hend mir es 10minütigs Verdauigsspaziergängli gmacht. Do mir scho schlechti Erfahrige im China Town gmacht hend, händs mir do grossrümig gmiede ;). Nach dem mir mit de Familie di Heime skyped hend, isch en gaudi gsi, händ mir eifach nur no.chilled uf de Veranda :). Die herrlichi Rueh isch nur ab und zue durnes "Howdy" oder e Kutsche gstört worde. Thats all folks! Cheers an good night...hü a ho alter Schimmel hü a ho... 17.09.2012 Bi schönstem Sunneschin hei mir ä bombastischs Zmorge dörfe gniesse. Nach däm mir d Rucksäck im Auto verstaut hei, si mir richtig Tankstell abgfahre, bis dört alles bestens, ab denn Tanken für Anfänger: was wird getank, wie wird getankt und wie erhalten wir die Quittung, viele Dank a die fründliche und hilfsbereite Männer, nachere halbstündige Tankpause isch üsi Fahrt witergange. Do mir dr Europapark sehr vermisse, hei mir das steile ufä und abe lachend gnosse, mä het nie gwüsst was nachem nächste Hügel uf üs wartet. Trotz dä mehrere Elch Schildli sin mir uf keine troffe. In Barkerville het üs denn das grosse Nichts erwartet! Alles isch gschlosse, s China Resti het am sächsi zuegmacht s einzige wo uf dr Stross no umelauft ischs Fury...no;-) Nach 3 maligem achlopfe bi dr wahrschinlich einzige Person wo no i däm Kaff isch hei mir denn au WLAN becho, mä muess no erwähne dass mä üs zerst s falsche Passwort gä het und s Chästli nid a gsi isch. S Bier dänke mir uns, s Pfärdesteak au, Cheers and good Night Folks....daaa steht ein Pferd aufem Fluur, ja ja ein Pferd aufem Fluur... 16.09.2012 Early bears!! Tagwach vom bear Andrea isch hüd am vieri gsi (e stund länger als letscht Nacht) und de bear Martina het de Winterschlaf bis am 6i dure zoge. Nach dem wiederholte nahrhafte Früehstück sind mir wieder in Hortons...dört gits free WiFi :D. Dank em free WiFi hend mir de tip über cho unseri alte Chleider im Clochard vor de Türe z geh, damit mir wieder Platz im Rucksack händ. s Pinke Shirt und de Mini staht em guet :). Do mir uns Zunge vom Vanille Kaffi verbrennt hend sind mir zum Zunge chüehle zum BC und Vancouver Canucks Stadium gloffe. Uf em Weg zur Souveniers Meile sind mir via China Town durs gröschte und wohl einzige Obdachlose Viertel glofe. Niiiicht lustig!!! Bi de Souverniersshops.......hend mir nüd kauft. Proud of us! Es isch Zyt worde, dass unseri Rucksäck uns an Flughafe zrugg brocht hend. Die Sieche sind so schwer gsi, dass mir scho fascht en Hofknicks gmacht hend :). Da isch de Afang vo unserem Road Trip durch Prärie ;). Unser lieblings Navi het uns die erschte 24km im Stich gloh. Martina hätts fascht zum Fenschter us gworfe :). De Afang vom Trip händ mir au perfekt ohni Navi und mit de Bäremütze ufem Chopf tip top gmeischteret. Bis zur Stadt Hope händ mir e tolli Landschaft mit Maisfelder, Farms, Wälder und Seä gnosse :). Ab den isch alli Hoffnig uf Zivilisation und saftige Wiese verlore gsi. Nach gschlagene 150km (+-) hend mir dene fascht Pipi in de Auge gha will mir wieder uf Zivilisation troffe sind . Ufem wittere Weg nach Kamloops isch d Landschaft wieder sehr eitönig gsi. Wald, Bäum, Feld, Chüeh und ab und zue no en See ;). Eifacher erklärt: Mal ufe, mal abe, mal links, mal rechts, mal hintere, mal führe...und jetzt alli zäme :).Im B&B acho sind mir herzlech vo de Bsitzer und em Zimmer am See empfange worde. Cheers an good night einsame Cowgirls weit weit weg von Zuhaus.... 15.09.2012 Early birds, tagwach isch am 6i am morge gsi (nur die kreischende Möve si vor üs wach gsi). Nach emnä nahrhafte Zmorge (2 verschiedeni Bagel/ Toast, Osaft, wässrige Kaffi, 2 Schnitz Orange, Ärdnussbutter und Philadelphia) hei mir üs ufe Wäg i Hortons gmacht, Tür uf und diräkt zur Theke. Ufem wäg zur Theke ischs Martina faaast ine Frau gloffe, aber die het sich entschuldigt, mit so viel Fründlichkeit am morgefrüeh si mir eifach überforderet...daaas isch ä Kaffi gsi. Nach paar Blocks hei mir d Tickets gholt für d Hop on Hop off Tour, zum Glück isch dr Bus scho vor dr Tür gstange...:-) Mir si denn mitem Bus richtig Stanley Park gholperät. Usstiege in Vancouver funktioniert so: Jump n" Roll Ladies, durchsag vom Driver (yes Siiir!). Im Aquarium acho (=Zoo mit Aquarium Tierchen) hei mir üs ä Beluga Show in dr Safety Zone mitere hampfle M&M"s inezoge. War echt knutschig:-). Nach ganz vill wow, ohhh & jöö si mir bim Exit vom Aquarium über tolli Shirts gstolpert, da si a üs chläbe blibe si, hei mirs jo fast MÜESSE chaufe;-). Anschliessend hei mir no dr Stanley Park unsicher gmacht gmacht, bevor mir zrugg a d Bushaltestell si. Dört acho, isch kei Bus cho. Nur wüll dr Brian Adams ä Konzärt gä het, isch dr ganz Park nid befahrbar gsi. Während mir dä hoppelnde Eichhörnli zuegluegt hei, het ä ungeduldigi, älteri, Toupet trägendi Dame am Busunternähme aglüte (mir übersetze nid ZENSUR). S Resultat isch gsi dass mir zur nächste Haltestell gloffe si (Andrea hüpperig & Martina tschillerig). Ufem Wäg zum Wiederafang vo dr Bustour hei mir ä orange BC Lions Volksmarsch erblickt, us puurer Neugier si mir spöter denn au no zum Stadion gschlurft. Mir si so überwältigt gsi vo dä schreiende Fans wo mä usserhalb vom Stadion khöhrt het, hei mir spontan au ä Ticket kauft. Security Kontrolle isch im Gägesatz zu dr Schwiz peanutsbutter gsi. Am Mineralfläschli isch gsnieft worde, s chönnt jo Alkohol si & Täsche heisi au nur nach däm abgsuecht. S Nagelschärli & Sackmässer het dr Dütsch sprächendi Türsteher nid interessiert! Völlig übermüedet hei mir mitgsunge, gschraue & klatsch, ohni ä ahnig zha was ufem Fäld so abgoht! Nachem Spiel si mir mitem dr orange Wälle mitten drin statt nur dabei gsi. Sogar d Strosse si über einigi Blocks gsperrt gsi, mir si Baff mitdäppelet. Nachere Duschi si mir denn zum Hotel us u zur nächste Tür wieder i, isch gäbig wenns beste Pub grad ä Türklinke witer isch;-). Nachere rundi kanadischem "Wasser" und guetem Ässe beände mir dä idrucksvolli Tag. Cheers n" good night Folks (Meitli und Buebe) PS: liebi Daily Report Läser; uns isch bewusst dass d Kreditcharteabrächnig änds Monet ufemnä goldene Tablet, vom Bankdiräktor persönlich und mit zuesätzliche 10"000 Cümülüs Pünkt überbrocht wird *tränen lachende Smilies* 14.09.2012 Gstarte sind mir mitemne Glückwunsch Grüessli an Claudia und Dominik am Flughafe in Züri. Das Banner het vill Schauluschtigi aazoge, drunter au e netti Dame wo Föteli für d Facebook site vom Flughafe macht. Sie het uns gfragt öbb sie da darf fötele und ufelade...."klar doch" hend mir gfunde. Naja...sie het dene no gfragt öbb mir in FLitterwuche gönd..do isch das "klar doch" nümme so klar gsi :). De Flug isch laaaaaannnnnnggggg gange, vor allem die letschte zwei stund. Nach dem Martina im Andrea no s Kaaffirähmli über d hose gsprüzt het isch de Lachafall mit vill Tränne ja klar gsi :).Churz vor Calgary het de Captain no gfunde mir sölled quickly usstiege...dure Zoll renne...unser Gepäck hole..unser Gepäck neu ufgeh, uns nomal filze loh und dene SOFORT wieder zum Gate zrugg cho. Verstanden und au usgfüehrt. Bim filze het dene en nette canadier no gfunde "slowy..take it easy". Schweissgebadet sind mir dene bim Gate acho und hend no e gueti halb stund gwartet...haha quickly he :p. Mir hend dene die chance packt und scho mal chli iikauft..als zytvertrieb :). Mir hend scho feschtgstellt dasi die liebe lütlis do schiss fründlech sind. mir müend so verlore usgseh ha, das me uns grad hilf abote het uf de suechi nachem hotel. :). Klar sind mir scho gsi go shoppe und natürlech hend mir au scho es feins Canadiens Bierli gha :). Nach fascht 24 std uf de Bei müend mir doch am achti am obe (vancouver zyt) kapituliere...wette aber no säge das mir do 9 std hinte dri sind ....cheers and good night.
|
